FSC Inserta, a entidade para a educación e o emprego de Fundación ONCE, en colaboración coa Fundación Emalcsa e Termaria, organizou un curso para formar a persoas con discapacidade como auxiliares termais. Quince alumnos beneficiáronse dos coñecementos impartidos neste programa, pensado para facilitar a súa integración na vida laboral.
O acto de clausura tivo lugar o pasado 4 de xullo, ás 11,30 horas, na Casa da Auga de A Coruña, e contou coa asistencia da presidenta do Consello Territorial da ONCE en Galicia, Dolores Venancio; a directora territorial de FSC Inserta en Galicia, Menchu Iglesias; o director xerente de Termaria, Claudio Orjales, e o director xerente da Fundación Emalcsa, Manuel Aguilar.
Este curso enmarcase dentro do Programa por Talento, que a Fundación ONCE desenvolve a través de FSC Inserta, coa cofinanciamento do Fondo Social Europeo. O seu obxectivo é aumentar as posibilidades de que os cidadáns con algún tipo de discapacidade poidan conseguir un emprego.