O FESTI=2019 celebrarase desde o 1 de novembro de 2019 ata o 1 de decembro de 2019. Esta terceira edición do Festival de Artes pola Inclusión Cultural contará con obradoiros, rutas inclusivas, concertos, exposición e dúas estreas teatrais!
En que consistiu
O Festival de Artes pola Inclusión Cultural é unha iniciativa da Fundación Emalcsa desenvolvida co Concello da Coruña para o goce das actividades culturais para todas as persoas na cidade. Consta de obradoiros, exposicións, concertos, actuacións e representacións repartidas en diversas instalacións.
A II edición del FESTI= celebrouse entre o 18 de outubro e o 3 de decembro de 2018, sendo o recital do tenor, Diego Neira Sande, o encargado de inaugurar o festival, e o concerto da cantante Mercedes Peón de pechalo. Con estas actividades quérese conseguir unha cultura sen barreiras, sen trabas, unha cultura para todas e todos.
Asociacións e artistas únense por facer unha cidade máis igualitaria e máis diversa, ofrecendo actividades gratuítas durante o FESTI= para garantir a participación e o acceso á cultura a todos os colectivos.
Trátase dun festival expandido, con varias citas e proxectos, e cunha data clave: o 3 de decembro, Día Internacional da Diversidade Funcional e Sensorial. Esa xornada tivo como protagonistas ás entidades sociais da cidade, e contou con actividades para todos os públicos e foi libre de barreiras físicas ou sensoriais.
Nesta II edición participaron: Asociación Proxecto Máscaras, Asociación Cultural para la Integración Social Diversos, Asociación Amigos de la Ópera de A Coruña, Asociación Cultural Tres por Cuatro, Asociación Sociocultural La Quinta del Arte, Asociación Demusicade, Amigos del Museo de Belas Artes de A Coruña, Asociación Coruñesa Negus, Asociación Cultural Zalaeta, Asociación Cultural FreakMacine, Asociación Poten100mos e a Sociedad Filatélica de A Coruña.
Principais indicadores
Proxectos realizados
Persoas beneficiarias
Entidades participantes
Euros destinados
Entidades colaboradoras
