En que consistiu
A Fundación Emalcsa pretende desenvolver unha estratexia de mobilidade na Coruña que estea acorde cos novos requirimentos normativos e tecnolóxicos, coas demandas cidadáns e institucionais e coa realidade social e económica.
Dentro da estratexia de cidade, o Plan de Mobilidade Urbana Sostible (PMUS) ten un papel fundamental. Entre 2012 e 2015 a Fundación Emalcsa actuou como plataforma operativa do Plan de Mobilidade Urbana Sostible da Coruña e da Oficina Tecnolóxica e Operativa de Mobilidade que actúa como soporte do mesmo.
A estes efectos contratou os servizos necesarios para o desenvolvemento do Plan e a implantación da Oficina. En 2013 a Fundación Emalcsa adxudicou a realización do PMUS á UTE formada polas empresas Eptisa e Ineco, e levouse a cabo o proceso de participación cidadán.
Desde a Fundación colaborouse na articulación da participación cidadán do PMUS e articulouse o protocolo de coordinación coas administracións territoriais.
