En que consistiu
O Cemiterio de San Amaro, o camposanto municipal máis antigo de Galicia, dotado dun incalculable valor cultural, histórico e arquitectónico, cumpriu 200 anos en 2012. A Fundación Emalcsa tivo un papel central nos actos que conmemoraron esta efeméride.
Durante 2012 leváronse a cabo veladas poético-musicais e conferencias, editouse o libro ‘El cementerio de San Amaro. Memoria de dos siglos’ e un plano-guía do cemiterio.
En 2012 o cemiterio ingresou na Asociación Europea de Cementerios Significativos (ASCE), rede europea de organizacións que se dedican á preservación e presentación dos cemiterios como parte importante do patrimonio cultural. Foi o paso previo para a inclusión do cemiterio no ano 2013 na Ruta de Cementerios Europeos (placa identificadora na entrada principal do cemiterio) que busca poñer en valor o patrimonio funerario europeo e contribuír á cohesión territorial europea.
